Inda Björk Gunnarsdóttir gengur til liðs við Ekil ökuskóla á Akureyri

Inda Björk gengur til liðs við Ekil ökuskóla á Akureyri

Inda Björk útskrifaðist í gær sem ökukennari og mun kenna á ökutæki Ekils ökuskóla á Akureyri. Hún er leikskólakennari að mennt og starfar sem skólastjóri á leikskólanum Kiðagili á Akureyri.

Það er okkur hjá Ekli mikið ánægjuefni að fá Indu Björk til samstarfs. Hún kemur með dýrmæta reynslu úr skólastarfi, kennslu og stjórnun og hefur því sterkan bakgrunn sem mun nýtast vel í starfi ökukennarans.

Ökukennsla er ábyrgðarstarf þar sem fagmennska, þolinmæði, traust og góð samskipti skipta miklu máli. Nemendur sem hefja ökunám eru margir hverjir að stíga sín fyrstu skref í umferðinni og þá skiptir miklu máli að mæta þeim af yfirvegun, skilningi og faglegri nálgun.

Með reynslu sína úr leikskólastarfi og stjórnun hefur Inda Björk góða innsýn í mikilvægi þess að mæta fólki þar sem það er statt, byggja upp öryggi og skapa jákvætt námsumhverfi. Við erum sannfærð um að sú reynsla muni nýtast nemendum Ekils afar vel.

Hjá Ekli leggjum við ríka áherslu á fagmennsku, gott samstarf við ökukennara, sterkt tengslanet og góða þjónustu við nemendur. Það er því sérstaklega ánægjulegt að fá nýjan og öflugan ökukennara inn í hópinn okkar á Akureyri.

Hægt er að hafa samband við Indu Björk í gegnum netfangið inda@ekill.is. Tímar í ökukennslu hjá henni eru bókaðir í gegnum ekill@ekill.is.

Elsku Inda, til hamingju með útskriftina í gær. Við bjóðum þig hjartanlega velkomna í Ekils fjölskylduna og hlökkum mikið til samstarfsins. Við erum sannfærð um að þekking þín, reynsla og hlýja nálgun muni eiga góðan þátt í að gera ökunám nemenda Ekils enn betra og faglegra.