Meirapróf - Aukin ökuréttindi

Hvernig virkar ferlið?

Ferlið samanstendur af bóklegu- og verklegu námi. Nemandinn byrjar á því að taka allt bóklegt nám sem krafist er miðað við þá réttindaflokka sem hann ætlar að taka. Þegar bóklegu námi er lokið og bóklegt ökupróf hjá Frumherja er staðið getur nemandinn hafið ökutíma. Fjöldi ökutíma fer eftir hverjum réttinaflokki fyrir sig en verklega ferlið endar alltaf með ökuprófi.

Frekari og ítarlegri upplýsingar um ferlið getur þú séð með því að smella á hnappinn hér fyrir neðan.

Nánar um ferlið

Hvernig virkar bóklega námið

Ekill býður upp á mismunandi útfærslur af bóklegu námi.

• Fjarnám
  Í netökuskóla Ekils geta nemendur nú tekið bóklega námið að öllu leiti í fjarnámi. Nemandinn getur því lært á þeim tíma sem honum hentar og tekið námið á sínum hraða. Námið er að langmestu leiti byggt á myndböndum en einnig kemur þar fyrir textaefni, verkefni og próf.
• Fjarfundur
  Ekill Ökuskóli heldur reglulega meiraprófsnámskeið í fjarfundi. Munurinn á slíku námi og fjarnámi er að í fjarfundi er kennslan lifandi. Nemendur fylgjast þá með kennslu í gegnum fjarfundabúnað þar sem kennari fer yfir námsefnið. Gefst þar nemendum kostur á að spyrja og taka þátt í umræðum.
• Staðarnám
  Staðarnámskeið eru reglulega haldin í Menntaskólanum í Kópavogi. Þessi nám eru í flestum tilfellum aðeins kennd á ensku og er takmarkaður fjöldi sem kemst að á hvert námskeið.

Hægt er að sjá hvaða námskeið eru framundan á vefnum okkar undir svæðinu Námskeið framundan eða með því að smella á hnappinn hér fyrir neðan

Opna fjarnámskerfiNámskeið framundan

Hvernig virkar verklega námið?

Þegar nemandinn hefur lokið bóklegu námi sem og bóklegu prófi Frumherja getur hann hafið verklegt nám (ökutíma). Fjöldi ökutíma fer eftir þeim réttindaflokki sem verið er að taka. Nemendur þurfa alltaf að taka lágmarksfjölda ökutíma er reglugerð gerir ráð fyrir. Ökutímar hefjast alltaf hjá Ekli Ökuskóla og þurfa því nemendur að koma í Gjáhellu 17 Hafnarfirði eða Goðanes 10 á Akureyri.

Verklegu námi líkur alltaf með ökuprófi. Að prófinu loknu fær nemandinn staðfestingu frá Frumherja sem hann þarf að fara með til Sýslumanns. Í kjölfarið fær nemandinn nýtt ökuskírteini þar sem ný ökuréttindi koma fram.

Athugið að ekki er hægt að hefja verklega kennslu á eftirvagn fyrr en nemandinn hefur staðist verklegt próf á ökutækið sem eftirvagninn fylgir. Með öðrum orðum að sá sem ætlar að taka eftirvagn á flutningabíla (trailer /CE réttindi) þarf fyrst að öðlast réttindi á flutningabílinn (C réttindi). Í kjölfarið getur hann hafið verklegt nám á eftirvagnaréttindi.

Hvar get ég tekið ökutímanna?

Ekill er með starfstöðvar á Akureyri og í Hafnarfirði. Allir verklegir ökutímar hefjast og enda í starfstöð Ekils. Ef verið er að taka réttindin fyrir norðan hefjast og enda því ökutímarnir í Goðanesi 10 en ef þeir eru teknir í Hafnarfirði hefjast þeir og enda í Gjáhellu 17.

Hver er munurinn á réttindaflokkunum?

Meiraprófið samanstendur af 9 mismunandi réttaflokkum. Á myndinni hér á síðunni má sjá 8 af þeim réttindum flokkum sem um ræðir en á myndina vantar flokkin B/Far sem eru réttindi til að keyra allt að 8 farþega í atvinnuskyni (oft kallað leigubílaréttindi). Hinir flokkarnir eru táknaðir með bókstafnum C og D. Þau réttindi sem falla undir C réttindi eru til að keyra stærri ökutæki á borð við pallbíla (C1) eða vöru-/flutningabíla (C). Réttindi sem innihalda bókstafinn D eru fyrir ökutæki sem ætluð eru fyrir farþegaflutninga. D1 flokkurinn veitir réttindi til að keyra allt að 16 farþega en D flokkurinn veitir réttindi fyrir fleiri en 17 farþega.

Aðrir flokkar innihalda svo bókstafinn E en það táknar eftirvagn. Sá sem vill því geta keyrt stóran pallbíll sem er meira en 3.500 -kg. að heildarþyngd og geta dregið meira en 750 -kg. eftirvagn þarf svokölluð C1E réttindi. Sama á við þann sem vill geta keyrt smárútu en dregið stærri vagn. Sá þarf D1E réttindi.

Í valmynd vefsins er hægt að lesa meira um hvern og einn réttindaflokk eða með því að smella á hnappanna hér fyrir neðan

Meira um B/FarMeira um C1/C1EMeira um C/CEMeira um D1/D1EMeira um D/DE

Hvað kostar meiraprófið?

Misjafnt er hver kostnaðurinn eftir því hvaða réttindaflokkur eða flokkar eru teknir hverju sinni. Hægt er að fá nánari upplýsingar um kostnað meiraprófsins í verðskrá okkar hér á vefnum sem og með því að smella á hnappinn hér fyrir neðan. Athugið að verð meiraprófsins er mismunandi eftir hvaða ökuréttindi viðkomandi er með áður en námið hefst. Hafir þú einungis hefðbundin ökuréttindi velur Núverandi ökuréttindi B í listanum.

Verðskrá Ekils

Ég fékk aukin réttindi þegar ég tók bílprófið. Fæ ég þau metin?

Hafir þú fengið ökuréttindin þín fyrir 1. júní 1996 eru allar líkur á því að þú hafir fengið aukin réttindi sem einstaklingur eftir þá dagsetningu fengu ekki. Eru þessi réttindi oftar en ekki merkt í dálk 12 með tákntölunum 74, 75 og/eða 76.

Meginreglan er sú að þessi réttindi eru ekki metin. Á það við í öllum tilfellum þegar kemur að akstri farþega í atvinnuskyni en þá þarf alltaf að taka réttindin líkt og sá sem aðeins hefur hefðbundin ökuréttindi. Sá sem hinsvegar hefur C og CE með takmörkunum hefur tækifæri á að bæta við sig atvinnuréttindum með því að fara í Endurmenntun atvinnubílstjóra. Sá hinn sami fær hinsvegar ekki hefðbundin C og CE réttindi heldur helst takmörkunun óbreytt. Ætli því einstakling að fá C og CE réttindi án takmarkanna þarf hann að taka hefðbundið meiraprófsnámskeið.

Ef þú ert óviss hvað þitt næsta skref er hvetjum við þig til að hafa samband við okkur og ræða málin frekar.

Nánar um réttindi eftir aldri

Hvar get ég tekið ökutímanna?

Ekill er með starfstöðvar á Akureyri og í Hafnarfirði. Allir verklegir ökutímar hefjast og enda í starfstöð Ekils. Ef verið er að taka réttindin fyrir norðan hefjast og enda því ökutímarnir í Goðanesi 10 en ef þeir eru teknir í Hafnarfirði hefjast þeir og enda í Gjáhellu 17.

Ég er með skyndihjálparskírteini, fæ ég það metið?

Þeir sem eru með virkt skyndihjálparskírteini sem telur meira en 16 kennslustundir geta fengið það metið. Til þess að mega meta slíkt þurfum við að fá sent afrit af skírteininu þínu þar sem fram kemur gildistími skírteinis og fjöldi kennslutíma. Ef þú ert í vafa hvort þitt skírteini sé nægilega stórt getur þú sent það til okkur og við látum meta það.

Við viljum einnig taka fram að þeir sem eru búnir með bifvélavirkjan geta fengið bíltækniáfanga námskeiðsins metna.