Meiraprófsnám í staðnámi

Gott að vita áður en ég mæti í tíma

Við minnum nemendur á að mæta tímalegan í kennsluna til að skapa ekki óþarfa ónæði á meðan kennslu stendur. Einnig viljum við undirstrika að ekki er leyfilegt að fara inn í útiskóm í skólann. Þar er unnið með matvæli og mikil krafa gerð á hreinlæti. 
Við hvetjum því nemendur til að taka með sér inniskó.

Einnig viljum við minna á að skólinn er læstur meðan á kennslu stendur. 

Hvar er gengið inn í skólann?

Inngangurinn sem við notum má sjá á myndinni hér fyrir ofan. Inngangurinn er á vinstri hönd þegar staðið er á bílastæðinu framan við aðalinngang skólans.

Hvar er kennslustofan í skólanum?

Gengið er upp stiga á vinstri hönd og inn gang á hægri hönd þegar komið er upp á 2.hæð - kennslustofan er númer 213.

Get ég keypt kaffi, mat eða aðrar veitingar í skólanum?

Í matsal er hægt að fá sér kaffi og vatn án endurgjalds (mikilvægt að taka með sér fjölnota drykkjarílát), en einnig er hægt að kaupa mat og drykk í sjálfsölum. Þegar verslað er í sjálfsölum þarf að skanna kortið sitt fyrst og síðan gæta þess að greitt hafi verið fyrir það sem tekið er.

Hægt er að taka með sér nesti og hita í örbylgjuofni eða samlokugrilli.

Ekki er leyfilegt að vera með mat í kennslustofu, til þess er matsalurinn. Umfram allt göngum við vel um og skiljum svæðið við okkur eins og við komum að því.

Þarf ég að taka eitthvað með mér?

Gott er að hafa með sér eftirfarandi:

• Inniskó
• Kaffibolla og/eða vatnsbrúsa
• Glósubók og penna

Get ég fengið styrk fyrir náminu?

Námið okkar er styrkhæft frá flestum stéttarfélögum, við hvetjum þig til að kanna möguleikana þína á styrk.

Athugið að stéttarfélög taka eingöngu við greiðslukvittunum þar sem sjá má staðfestar færslur/greiðslur frá íslenskum bankareikningi/greiðslukorti til viðkomandi fræðsluaðila. Sjóðurinn tekur ekki gildar greiðslukvittanir fyrir námi/námskeiðum sem greidd eru með peningum.

Því er nóg að senda reikning frá ökuskólanum ásamt færslu út af bankareikningi - ekki er þörf á staðfestingu með stimpli frá skólanum.

Þarf ég að sækja um réttindin áður en námskeiðið byrjar?

Það er ekki nauðsynlegt til þess að geta hafið námskeiðið. Hinsvegar getur verið gott að vera búin(n) að því til þess að flýta fyrir námsferlinu og koma í veg fyrir að eyða tíma í námskeið fái nemandinn á endanum ekki námsheimild af hálfu Sýslumannsins. 

Námsheimild og námskröfur

Nemendur þurfa að uppfylla kröfur skv.námsskrá, þeir þurfa einnig að sækja um námsheimild hjá Sýslumanni og skila inn heilbrigðisvottorði. Mikilvægt er að panta sér tíma hjá lækni og gefa upp að það sé vegna heilbrigðisvottorðs fyrir aukin ökuréttindi. Það getur tekið smá tíma og því gott að panta strax og ákvörðun er tekin um að taka þátt á meiraprófsnámskeiði.

Hvar tek ég ökutímanna?

Eftir að nemendur hafa lokið við bóklega námskeiðið og staðist Öryggispróf hjá Frumherja er hægt að hefja verklega tíma. Ekill Ökuskóli kennir verklega tíma á Akureyri (Goðanes 8-10) og í Hafnarfirði (Gjáhella 17)